Иордания ўз базасида америкалик уч нафар ҳарбий отиб ташланган кадрларни эълон қилди

Иордания мудофаа вазирлиги 2016 йилнинг ноябрь ойида ал-Жафар авиабазасининг назорат-ўтказиш постида юз берган отишма акс этган видеони эълон қилди. Бу ҳақда «РБК« хабар берди.

Ўшанда иорданиялик ҳарбий бошлаган отишма оқибатида америкалик уч нафар ҳарбий ҳалок бўлган эди.

Ҳодиса 2016 йил 4 ноябрда юз берган. Ўшанда иорданиялик ҳарбий хизматчи АҚШ ҳарбийлари бўлган автомобиль авиабаза ҳудудига киришга уринганда ўт очгани ҳақида хабар берилган. Берилган хабарга кўра, америкалик ҳарбийлар бўлган автомобиль қўриқчилар томонидан тўхташ ҳақида берилган буйруққа бўйсунмаган.

Видеоёзувда иорданиялик ҳарбий хизматчи тўртта ҳарбий автомобилни ўтказиб юбориш учун шлагбаумни очганини кўриш мумкин. Барча автомобиллар ҳарбийнинг ёнидан ўтиб, назорат-ўтказиш пости ҳудудига кириб бўлганидан сўнг у машинадаги одамларга қарата ўт оча бошлаган. Видео изоҳида айтилишича, икки америкалик ҳарбий бошқа икки АҚШ ҳарбийси машинадан тушиб жавоб ўқи узганидан кейин ҳалок бўлган.

Кадрлар биринчи бўлиб ўқ узган иорданиялик ҳарбий хизматчи томонидан берилган хабарни рад этмоқда. Ҳарбий хизматчи америкаликлар томонидан ўқ овозини эшитганини ва базага ҳужум бўлаётган деб ўйлаб, жавоби ўқи узганини айтган. Видеода америкалик ҳарбий хизматчиларнинг автомобиллари қоидага кўра назорат-ўтказиш постининг дарвозаси олдида тўхтагани акс этган.

Иордания ҳарбий идораси текширув ўтказди ва америкалик ҳарбий хизматчилар биринчи бўлиб эмас, балки ҳужумга жавоб сифатида ўқ узганини аниқлади. Ҳарбий суд иорданиялик ҳарбий базага киришни тартибга солувчи буйруқ ва қоидаларни бузганини, шунингдек ўзига нисбатан ҳеч қандай таҳдид бўлмаганини ва америкалик ҳарбийларга қарши куч ишлатиш учун буйруқ олмаганини тасдиқлади.

Иордания мудофаа вазирлиги ахборотида ҳарбий хизматчи, америкалик ҳарбийлар базага киришни тартибга солувчи барча қоидаларни бажарганига қарамасдан, ўқ узгани айтилган.

Иордания ҳарбий суди 17 июлда ҳарбий хизматчини қотилликда, шунингдек, «қуролли кучлар обрўсини поймол қилиш ва ҳарбий буйруқларни бузиш»да айбдор деб топди. У умрбод қамоқ жазосига ҳукм қилинди.