Ўзбекистон Президенти Шавкат Мирзиёев Юқори Чирчиқда қурилаётган логистика марказида Тошкент вилоятида қишлоқ хўжалиги маҳсулотларини етиштириш ва қайта ишлаш бўйича амалга ошириладиган лойиҳалар тақдимоти билан танишди.
ЎзАнинг хабар беришича, Қибрай туманидаги Агрологистика маркази мева-сабзавот маҳсулотларини қуритиш ва қадоқлаш, иссиқхона, музлатгич, қишлоқ хўжалиги маҳсулотларини қайта ишлашни ўз ичига олади. 2018 йилнинг биринчи ярмида ишга тушириладиган марказда 500 га яқин иш ўрни яратилади.
«Ўзбекозиқовқатхолдинг» холдинг компанияси томонидан Тошкент вилоятининг Оҳангарон туманидаги Сардорком масъулияти чекланган жамиятида олмадан шарбат тайёрлаш йўлга қўйилади. Паркент туманида ташкил этиладиган корхонада мева-сабзавотни музлатиш, қадоқлаш ва сақлаш мажмуаси, замонавий иссиқхона барпо этилади.
Ерлардан унумли фойдаланиш керак. Бугунги замон тўғри келган нарсани эмас, фойда келтирадиган, бозори чаққон маҳсулотлар етиштиришни талаб қилмоқда.Ўзбекистон Президентига тижорат банклари томонидан молиялаштирилаётган йирик лойиҳалар ҳақида ҳам сўзлаб берилди.Шавкат Мирзиёев, Ўзбекистон Президенти
Лойиҳаларда қоғоз маҳсулотларини қайта ишлаш, мева-сабзавотларни қадоқлаш учун гофракартон қутилар ишлаб чиқариш, паррандачилик соҳасини ривожлантириш, мева-сабзавот маҳсулотларини қуритиш кўзда тутилган.
Тошкент вилояти туманларида рентабеллиги ва ҳосилдорлиги паст бўлган суғориладиган экин майдонларига экиладиган экин турларининг схематик харитаси ҳақида сўзлаб берилди.
Изоҳ (0)