Фарғона вилояти Ўзбекистон тумани ИИБга 2017 йил 17 июль куни хотин ўз эри билан жанжаллашиб, уни пичоқлаб қўйгани ҳақида маълумот келиб тушган, деб хабар бермоқда вилоят ИИБ матбуот хизмати.
Соат 20:00 ларда Ўзбекистон туманида яшовчи уй бекаси Назира Шарипова (исм-шарифи ўзгартирилган) шифокор бўлиб ишловчи турмуш ўртоғи Жалолиддин Воҳидов билан ўзаро оилавий келишмовчилик оқибатида жанжаллашиб қолган.
Жанжал давомида Назира Шарипова уй ичида токчада турган ошхона пичоғи билан турмуш ўртоғининг чап қорин юқори қисмига бир маротаба уриб жароҳат етказган. Натижада Воҳидов тан жароҳати олиб, даволаниш учун шифохонага ётқизилган.
Хабар беришларича, туман ИИБ Тергов бўлими томонидан Назира Шариповага нисбатан Жиноят Кодексининг 104-моддаси 1-қисми билан жиноят иши қўзғатилиб, тергов ҳаракатлари давом эттирилмоқда.
Изоҳ (0)