Флорида — ер ўпирилишлари бўйича АҚШдаги энг хавфли штат ҳисобланади: унинг асосий қисми карбонатли оҳактошлардан ташкил топган. Ўраларнинг пайдо бўлиши бу ердагилар учун одатий ҳолга айланган. 14 июль куни Ленд-о-Лейксда рекорд даражадаги улкан ўра пайдо бўлди. Бир вақтнинг ўзида иккита уй, қайиқ ҳамда йўлнинг бир қисми ер остига кириб кетди, деб хабар берди National Geographic.
Мутахассисларнинг хабар беришича, ушбу ўра штат тарихидаги энг катта ҳисобланади. Унинг эни 68 метрга, чуқурлиги эса 15 метрга тенг. Хавфли ҳудуд зонасида еттита бино ўрин олган, уларда истиқомат қилувчилар эвакуация қилинган.
Олимлар кўплаб турар-жой комплексларини қуришда ўраларнинг пайдо бўлиши ҳисобга олинмаганлиги бу каби нохуш ҳодисаларнинг пайдо бўлишига олиб келаётганини қўшимча қилди.
Изоҳ (0)