АҚШнинг Мэриленд штати Балтимор шаҳрида полициячини жиноятни саҳналаштирганликда айблашди, деб ёзади TJournal. Ҳуқуқ-тартибот органлари ходими наркотиклар солинган пакетни ташландиқ ерга билдирмай қўйиб қўйди, сўнг уни гўё ўзи топиб олгандек кўрсатди.
24 январда танага ўрнатилган камера орқали олинган роликда полициячи Ричард Пинейро наркотиклар солинган пакетни ахлат уюми остига яшираётганини кўриш мумкин. 30 сониядан кейин видеода овоз эшитилган. Полициячи: «Мен шу ерни текшириб кўрмоқчиман», — дея ахлат уюми орасидан наркотикларни «топиб олган».
CNN ёзишича, Пинейро танага ўрнатиладиган камералар ёзиб олувчи режим қўлда ёқилгунига қадар бўлган 30 сониялик қайдни хотирада сақлашини ҳисобга олмаган.
Балтимор полиция департаменти ҳодисани текширишни бошлади.
Видеоёзув эълон қилиниши натижасида прокурорлар наркотиклар сотишда айбланиб, олти ойдан буён ҳибсда сақланиб келган гумонланувчига қарши жиноий ишдан воз кечди. Балтимор полицияси маълум қилишича, роликда акс этган офицерлардан бирини вазифасидан четлатишган, яна икки нафарини ички текширув якунлангунига қадар, маъмурий мажбуриятларни бажаришга ўтказишган.
Изоҳ (0)