Республика ҳуқуқ-тартибот идоралари раҳбарлари Наманган вилоятида халқ билан мулоқот ва сайёр қабуллар ўтказди. Бу ҳақда вилоят ҳокимлиги ахборот хизмати маълум қилди.
Ўзбекистон Бош прокурори И.Абдуллаев, Бош прокуратура бошқарма бошлиқлари Ш.Мустафоев ва М.Бобоев Чуст ҳамда Норин туманларида бўлди. Олий суд раиси К.Комилов, судьялар Х.Эгамбердиев, М.Эргашев Поп туманида —Чодакдаги кон-металлургия коллежи, Ғурумсарой қишлоқ хўжалиги коллежи, Найман аҳоли дам олиш марказида фуқароларни қабул қилди.
Ички ишлар вазири А.Азизов тегишли тизим раҳбарлари билан Косонсой ва Янгиқўрғон туманларида бўлди.
Адлия вазири М.Икрамов, вазирлик бошқарма бошлиғининг ўринбосарлари Н.Муҳаммадиев, А.Мадаминов, вилоят адлия бошқармаси бошлиғи С.Нуриев Уйчи ҳамда Учқўрғон туманларида сайёр қабуллар ўтказди.
Давлат божхона қўмитаси раиси М.Тоҳирий, қўмита бошқарма бошлиғи Б.Шарипов, вилоят бошқармаси бошлиғи О.Ҳожиматов Наманган шаҳри, Поп, Чуст ва Наманган туманларида тадбиркорлар билан учрашиб, уларнинг божхона тизимига тааллуқли мурожаатларини тинглади.
Республика Давлат солиқ қўмитаси раиси Б.Парпиев, қўмитанинг бошқарма бошлиқлари М.Маҳкамов, Т.Тоштемиров Наманган шаҳри, Учқўрғон, Тўрақўрғон, Поп ва Чуст туманларида фуқароларнинг мурожаатларини тинглаб, уларнинг кўплаб саволларига батафсил жавоб берди.
Изоҳ (0)