Мадриднинг «Реал» клуби Альваро Моратани қўйиб юборишга қарор қилди ва «Челси» таклифига рози бўлди. Бу ҳақда «аристократлар» матбуот хизмати расман хабар берди.
Лондонликлар Альваро Мората учун 80 миллион евродан воз кечди. Энди клуб футболчининг ўзи билан шахсий шартнома борасида келишиб олади ва икки томон шартнома имзолайди.
80 миллионга баҳоланган Альваро Мората энг қиммат испанияликка футболчига айланди. Бунга қадар рекорд Фернандо Торресга тегишли бўлиб, «Ливерпуль» ҳужумчининг орқасидан 58 миллион евро ишлаб олганди.
Қизиғи шундаки, испаниялик энг қиммат икки футболчига битта клуб — «Челси» чиқим қилган. Бунгача Фернандо Торреснинг трансфери ўзини оқламаганди. Эндиликда Альваро Мората лондонликлар ўзи учун сарф қилган пулларни оқлашга ҳаракат қилади.
Аввалроқ Моратани Англиянинг бошқа бир клуби «Манчестер Юнайтед» ҳам қўлга киритишга ҳаракат қилиб кўрганди. Бироқ Ромелу Лукаку варианти ўхшагач, «манкунианлар» Мората учун курашдан чиққанди.
Изоҳ (0)