Россия мезбонлигида ўтаётган футбол бўйича Конфедерациялар кубогининг 3-ўрин учун баҳси ўтказилди. Унда ярим финалда омадсизликка учраган икки жамоа Португалия ҳамда Мексика терма жамоалари ўзаро ҳисоб-китоб қилиб олди.
Гуруҳ баҳсларида дурангга имзо чеккан жамоалар ўртасидаги бу учрашув драматик тарзда кечиб, унда Роналдусиз майдонга тушган Португалиянинг омади чопди. 1-бўлимда Мексика дарвозаси томон пенальти белгиланди, аммо уни Андре Силва аниқ амалга ошира олмади. Ўйинда ҳар икки жамоанинг биттадан ўйинчисига қизил карточка кўрсатилган бўлса, Мексика бош мураббийи ҳам қўшимча бўлимда майдондан четлатилди.
Захирадан ўйинга қўшилган Адриен Силва томонидан қўшимча бўлимда урилган гол Европа чемпионларига Конфедерациялар кубогида 3-ўрин соҳиби бўлиш учун замин яратди.
Эслатиб ўтамиз, бугун мусобақанинг финал баҳси Германия ҳамда Чили терма жамоалари ўртасида Тошкент вақти билан 23:00 да ўтказилиши белгиланган.
Конфедерациялар кубоги3-ўрин учун баҳс2 июль, якшанба
Португалия — Мексика 2:1
Голлар: Нету - автогол, 54 (0:1). Пепе, 90+1 (1:1). Адриен Силва, 104 (2:1).Амалга оширилмаган пенальти: Андре Силва, 17 (дарвозабон).
Четлатишлар: Нелсон Семеду, 106. Раул Хименес, 112.
Изоҳ (0)