Дам олиш кунларининг бир қисмини уй йиғиштириш, таомнома тузиш ва келгуси ҳафтада қилинадиган ишлар рўйхатини тузиш каби фойдали ва амалий машғулотларга сарф қилганимизда, улар яна ҳам қисқароқ бўлиб кўринади.
Нейробиолог Дэвид Иглмен дам олиш кунларининг узоқроқ давом этиши учун нималар қилиш кераклиги тўғрисида айтиб берди.
Дэвид Иглменнинг айтишича, дам олиш кунлари бизга узоқроқ туюлиши учун янги таассуротлар керак бўлади. Биз бирор янги нарса билан тўқнаш келсак, кўпроқ вақт ўтгандек кўринади, чунки мия кўпроқ хотираларни сақлайди.
Айнан шунинг учун ёшимиз катталашган сайин вақт анча тез ўта бошлайди. Болаликда эса биз учун ҳамма нарса янгилик бўлади ва ҳар доим хотирамизда янги маълумотларни йиғамиз.
Агар сиз дам олиш кунларининг ҳар бир соати жуда узоқ чўзилишини истасангиз, олдиндан бирор нарсани режалаштиришга тўғри келади.
Масалан, қисқа сафар қилиш дам олиш кунларини уйда ўтказиладиган дам олишдан кўра узунроқ қилади. Уйда дам олиш китоб ўқишдан кўра, агар сиз сайр қилишга чиқсангиз, анча узунроқ бўлиб туюлади.
Лекин бу қоида ўтмишга назар ташлаганимиздагина кучга киради. Душанба куни янги таассуротларга тўлиб-тошган дам олиш кунлари жуда узун ўтгандек кўринади. Лекин сиз уларни бошдан кечираётганингизда вақт жуда тез ўтиб кетаётгандек бўлиб туюлади.
Биз қизиқарли нарса машғул бўлганимизда вақтга эътибор бермаймиз, ўзимизни нима билан чалғитишни билмай турганимизда эса вақт жуда секин ўтаётганини ҳис қиламиз.
Манба: «Med.vesti.ru»
Изоҳ (0)