Яшаш жойида шинамлик ва қулайликни яратиш учун дизайнерлик хизматларидан фойдаланиш шарт эмас. Ҳар бир киши ижодкорлик қобилиятига эга бўлмаса ҳам, бир неча оддий қоидаларни билиб олиб жиҳозлашни тўғри ташкиллаштира олиши мумкин. Келинг, ўз уйимизни янада шинамроқ ва чиройлироқ қилишга уриниб кўрамиз!
Ранг турлари. Нейтрал рангга 70 фоизни ажратинг, 20 фоиз — қўшимча рангга, қолган 10 фоизи рангли урғулардан ташкил топган бўлиши керак. Хонада ҳаддан ташқари ранг-баранг буюмлар кўп бўлмаслиги керак!
Мебель. Агар сизга бирорта стол ёқиб қолган бўлса, уни дарров сотиб олишга шошилманг. Ўлчамларига эътибор беринг. Овқатланишга мўлжалланган моделлари учун энг ками 80 см ҳисобланади. Агар уйда болалар бўлса, бурчаклари ўткир бўлмаган вариантларини танланг.
Мебелларни нафақат тўғри танлаш, балки тўғри жойлаштириш ҳам муҳим. Диван билан стол орасида 50 см га яқин жой қолдиринг, шунда уларнинг орасида юриш қулай бўлади. Диваннинг оёқларини кичкина гиламнинг устига қўйманг. Агар у катта бўлса, унинг устига креслоларнинг олдинги оёқларини қўйишингиз мумкин. Орқа оёқлари ҳар қандай ҳолатларда ҳам пол устида бўлиши керак.
Китоб жавонлари ва стеллажлар. Китобларни тик ва ётиқ ҳолда жойлаштиришни бирлаштириб, ижодий тартибсизликни эслатувчи ҳолатни яратинг.
Расмлар ва кўзгулар. Расмларни ва постерларни мебелдан 10–20 см юқорироқ осинг, шунда уларни идрок қилиш осонроқ бўлади. Ойнани деворнинг ўртасига ўрнатинг.
Ёстиқлар, гиламлар ва бошқа тўқимачилик маҳсулотлари. Диван ва креслолар суянчиқлари яқинига ёрқин рангли ва йирик расмли катта ёстиқлар қўйинг.
Манба: «Хитрости жизни»
Изоҳ (0)