15 июль Туркияда биродарлик ва бирлик куни бўлади. Туркия президенти Ражаб Тоййиб Эрдўғон 2016 йил 15 июлда амалга оширилган давлат тўнтаришига уринишнинг бир йиллиги муносабати билан маҳаллий ва халқаро журналистлар бўлиб ўтган учрашувда чиқиш қилди. Бу ҳақда учрашувда иштирок этган «Дарё» мухбири хабар берди.
Туркия бош вазири аппарати ҳамда матбуот ва ахборот бош бошқармаси томонидан давлат тўнтаришига уринишнинг бир йиллиги муносабати ташкил этилган медиа дастур доирасида журналистлар олдида чиқиш қилган Туркия президенти 15 июлнинг мамлакатда биродарлик ва бирлик куни бўлишини маълум қилди. Унинг таъкидлашича, воқеалар бўлиб ўтган жойларда қурбонлар хотирасига бағишланган ёдгорликлар ўрнатилади.
Учрашув доирасида бир йил аввал юз берган воқеа қурбонлари хотирасига бағишланган «Миллий ирода ғалабаси» номли китоб тақдимоти бўлиб ўтди. Китобда давлат тўнтариши вақтида ҳалок бўлганлар ҳақида маълумот келтирилган.
Шунингдек, Эрдўғон ўз сўзида давлат тўнтариши устидан халқ иродаси ғалаба қозонганини қайд этар экан, мамлакатда бирорта ҳам террорчи қолмагунича курашни давом эттиришини таъкидлаб ўтди.
Изоҳ (0)