Украинанинг Черкасси вилоятида уч кишилик оилани яшин урди, эр-хотин воқеа жойида ҳалок бўлди, уларнинг ўғли касалхонада вафот этди, деб ёзади «Корреспондент.net».
Фожиа 12 июль куни кундузи Христиновский туманидаги қишлоқлардан бирида, далада юз берди.
38 ёшли эркак, унинг 35 ёшли рафиқаси ва 15 ёшли ўғли қишлоқ хўжалик комбинати даласида бодринг тераётган вақтда яшин келиб уларни урган. Эр-хотин воқеа жойида ҳалок бўлган. Ўсмир эса оғир аҳволда касалхонанинг жонлантириш бўлимига ётқизилган, аммо шифокорларнинг ҳаракатларига қарамасдан, у ҳушига келмади ва икки соатдан сўнг вафот этди.
Изоҳ (0)