Оммавий қатлларда айбланган Рамзан Қодиров ўзини атлантларга қиёслади

Турли кучлар маълум бир дастаклар орқали Чеченистондаги тинчлик-осойишталикка путур етказишга уринмоқда. Бу ҳақда республика раҳбари Рамзан Қодиров Telegram’даги каналида маълум қилди, дея хабар беради «MK.ru».

«Мен ва сафдошларимга душманлар вайрон этмоқчи бўлган, отам Аҳмад ҳожи Қодиров томонидан яратилган нарсаларни елкамизда ушлаб қолиш учун атлант бўлишга тўғри келмоқда. Агар мамлакатинг тарқалиб кетишини кутаётганлардан фақат бўлмағур гапларни тинглаётган бўлсанг, демак, тўғри йўлдан адашмабсан», — таъкидлади Қодиров.

Эслатиб ўтамиз, олдинроқ «Новая газета» нашри Чеченистонда қисқа вақт мобайнида айбловсиз ва судсиз 56 киши отиб ташлангани ҳақида хабар берганди.