Москва 30 га яқин америкалик дипломатни мамлакатдан чиқариб юбориш ва АҚШнинг Россиядаги бир неча кўчмас мулк объектини ҳатлашни режалаштирмоқда. Бу ҳақда Россия ТИВдаги манбага таяниб, «Известия» маълум қилди, дея хабар беради «РИА Новости».
Нашрга кўра, Россия томонини бундай чораларга Вашингтоннинг 2016 йил декабрида тортиб олинган АҚШдаги элчихонага тегишли кўчмас мулкни қайтариб бермаслик қарори мажбур қилмоқда. Бу муаммо Владимир Путин ва Дональд Трампнинг илк учрашувида ҳам ҳал этилмай қолди.
«Санкт-Петербургда Россия ташқи ишлар вазири ўринбосари Сергей Рябков ва АҚШ Давлат котибининг биринчи ўринбосари Томас Шеннон ўртасида учрашув ўтказиш бўйича дастлабки келишув мавжуд. Агар у ерда ҳам муросага келинмаса, юқоридаги чораларга қўл уришга мажбур бўламиз», — деди Россия ТИВ вакили.
Изоҳ (0)