Номаълум шахс Москва шимоли—шарқида аёлни отиб ташлади. Бу ҳақда «Интерфакс» хабар бермоқда.
Ҳодиса 11 июль, сешанба эрталаб Алтуфев шоссесидаги савдо марказларидан бирида рўй берди. Номаълум эркак бинога кириб, тартибсиз ўқ узди ва у ердаги аёлнинг умрига зомин бўлди. Шундан сўнг жонига қасд қилди.
Россия Тергов қўмитаси Москва шаҳар бош бошқармаси раҳбари ёрдамчиси Юлия Ивановага кўра, аёлнинг ўлдирилиши ҳолати бўйича жиноий иш қўзғалди. Ҳодиса жойида терговчи ва криминалистлар ишламоқда.
Эркакнинг шахси ва қотилликка ундаган сабаблар ўрганилмоқда.
Изоҳ (0)