Владимир Путинга суиқасдга тайёргарлик учун 2013 йилда 10 йиллик қамоқ жазосига ҳукм қилинган Қозоғистон фуқароси Илья Пьянзин Россия президентига афв этишини сўраб, мурожаат қилди. Бу ҳақда унинг турмуш ўртоғи Марина маълум қилди, дея хабар беради «РБК».
Самара вилоятидаги қамоқхоналардан бирида жазо муддатини ўтаётган маҳбус қўл урган қилмиши бевосита президентга қарши қаратилгани учун Владимир Путинга шахсан мурожаат этишга қарор қилганини билдирган.
Телеянгиликлар орқали унинг фаолиятини диққат билан кузатиб бориши, ички ва ташқи сиёсатини маъқуллаши ҳамда 5 йил аввал ушбу «аҳмоқона ва асоссиз жиноят»га тайёргарликка чек қўйиш учун ҳуқуқ-тартибот идораларига мурожаат этмаганидан афсусда эканлигини таъкидлаган. Ҳозирда унинг илтимосномаси вилоят губернатори ҳузуридаги комиссия томонидан кўриб чиқилмоқда.
Илья Пьянзин ва унинг шериги Адам Осмаев 2012 йил февралида Одессадаги хусусий хонадонлардан бирида рўй берган тасодифий портлашдан кейин қўлга олинганди. Шундан сўнг Украина хавфсизлик хизмати Россия махсус хизматлари билан ҳамкорликда террорчиларнинг Путинга суиқасди олди олинганлигини маълум қилди. Портлаш эса бомбани монтаж қилиш чоғида содир бўлгани аниқланди.
Изоҳ (0)