Ер сайёрасида ҳаво ҳароратининг исиши, аҳоли сонининг эса ўсиши давом этмоқда. Шунга боғлиқ равишда озиқ-овқат хавфсизлиги глобал муаммолардан бири бўлиб қолмоқда. Олимлар бир неча йилдан бери сигирлардан чиқадиган метан газига қарши курашиб келади, деб ёзади «Наука».
Олимлар яқиндан бошлаб нафақат иссиқ шароитга чидамли шохли қорамолни, балки уларни зотли кўпайтириш, шунингдек, олинадиган гўшт сифати самарадорлигини оширишга бел боғлади.
Флорида университети олимлари юқори ҳароратга чидай оладиган қорамолнинг бардошли янги зотини яратиш устида иш олиб бормоқда.
Бу турдаги ишни бажаришга брангусс зоти (брахман ва абердин-ангусс зотининг чатишмаси) ўрганиб чиқилганидан сўнг қарор қилинган.
Брангусс зотли қорамоллар бошқа зотдагиларга нисбатан иссиқ ва намликка бардошли эканлиги маълум.
Брангусс икки қорамол зотларининг энг яхши хусусиятларини ўзида бирлаштирган. Брахман зотининг касалликларга бардошлилиги, чидамлилиги ва она инстинкти абердин-ангусс зотининг ижобий жиҳатлари билан биргаликда янги зотни АҚШ, Мексика, Австралия, шунингдек, Жанубий Америка ва Африкада машҳур қилиб юборди.
Бироқ флоридалик олимлар ушбу жониворлар бу каби иссиқ шароитда қандай яшаб қолиши аниқлаш ниятида. «Иссиқбардош», шу билан бирга сифатли гўшт берадиган қорамолларни яратиш учун 773 минг АҚШ доллари миқдорида грант ажратилди.
Ушбу пуллар турли зотдаги қорамолларнинг тана ҳароратига жавоб берувчи ДНК кодларини ўрганишга сарфланади.
АҚШлик олимларнинг ҳисоблашича, бу иқлимий ўзгаришларга боғлиқ муаммоларни ҳал қилишнинг мутлақо янгича усулидир.
Изоҳ (0)