Микроигнали пластирлар билан ўтказилган клиник синовлар уларнинг самарадорлигини исботлади. Пластирлар беморларга гриппга қарши эмлашни оғриқсиз олишга имкон беради. Ишлаб чиқарувчиларнинг маълум қилишича, одатий шприцларга қараганда бундай пластирлардан фойдаланиш, уларни олиб юриш ва сақлаш осонроқ, деб ёзади «Наука».
Гап кичкина ёпишқоқ боғламалар ва митти пластик игналар ҳақида кетмоқда. Улар оддий лейкопластирлар каби терига жойлашади, игналар эса қисқа вақт ичида эриб, вакцинанинг қон айланиш тизимига тушишини таъминлайди.
Мутахассисларнинг айтишича, бундай пластирларни қабул қилиш умуман оғриқсиз ҳисобланади. Бундан ташқари, вакцинанинг ўзи «қурутилган кўринишда» бўлади, шунинг учун уни ташиш ва сақлашда совуқ жойда сақлаш шарт эмас. Пластирларни ишлатиб бўлинганидан сўнг бемалол ахлатга ташлаш мумкин. Эриб кетган игналар ҳеч қандай зарар етказмайди.
Ишлаб чиқарувчиларнинг сўзларига кўра, уларнинг кашфиётидан уй шароитида ҳам фойдаланиш мумкин. Масалан, кун тартиби жуда банд ёки оддий шприцдан қўрқадиган кишилар шифокорга бориш учун вақт сарфлаши шарт эмас, гриппга қарши эмлашни мустақил равишда қилиш мумкин.
Тадқиқотчилар уларнинг ихтиросидан фойдаланишнинг қулайлиги ҳар йили эмлаш оладиган одамлар сонини кўпайтиришига умид қилмоқда.
Изоҳ (0)