Палеонтологлар Мадагаскар оролидан катталига 7—9 метр, оғирлиги бир тонна келадиган, қуруқликда яшаган ва тишларининг ўлчами ҳамда тишлаш кучи билан тираннозаврларга бас кела оладиган қадимий тимсоҳ қолдиқларини топди. Тадқиқотга тегишли мақола Peerj журналида чоп этилди, деб хабар берди «РИА Новости».
«Юра даврининг бошқа улкан тимсоҳлари каби «Разана» ҳам озуқа пирамидасининг юқори чўққиларида турадиган йиртқич динозаврлар билан жангга кириб уларни мағлуб этишга қодир бўлган», — дейди Миландаги табиий тарих музейи ходими Кристиано даль Сассо.
Тимсоҳлар ва динозаврларнинг яқин қариндошчилиги бор, уларнинг аждодлари Триас даврининг ўртасида ажралган дея тахмин қилинади. Олимлар узоқ вақтга қадар биринчи динозаврлар тимсоҳларга ўхшамаган дея фикрда бўлган, бироқ яқинда палеонтологлар барча динозаврларнинг аждоди дея тахмин қилинаётган, тимсоҳга ўхшаш қолдиқларни топди.
Ушбу жонзотнинг «юзи» деярли бир метр узунликда бўлган, бироқ Мезозой даврида яшаган бошқа улкан тимсоҳларнинг узун чаноқ ва жағларига нисбатан қисқароқ. «Юз»нинг бу каби тузилиши уни тимсоҳларга эмас, динозавларга аждод эканлигни кўрсатгани боис, олимлар унинг тираннозавр ёки спинозаврга эмас айнан тимсоҳларнинг аждоди эканлигини исботлашларига анча вақт кетди.
Изоҳ (0)