ИШИД Ироқ ва Суриядаги ҳудудларни бой берганидан сўнг қарши ҳужумга ўтиши ва «интернетдаги халифалик»ни барпо этишга киришиши мумкин. Евроиттифоқнинг терроризм бўйича координатори Жиль де Кершов шундай фикр билдирди, дея маълум қилди «ТАСС».
«Ироқ (Мосул) ва Суриядаги (Раққа) асосий ҳудудларни йўқотгандан сўнг ИШИД асосий фаолиятини виртуал кенгликка кўчириши мумкин. Бугунги кунда мазкур ташкилот радикал тарғибот соҳасида катта муваффақиятларга эришаётганини кузатиш мумкин», — деди эксперт.
Жиль де Кершовга кўра, бундай фаолият янгича кўриниш — «арзон терроризм» тарқалишига сабаб бўлади: Ғарбда кишилар террорчилар билан тўғридан-тўғри алоқада бўлмай, компьютер қаршисида ўтириб мутаассиблашиб бормоқда. Буни Лондон ёки Брюсселдаги терактлар мисолида кўриш мумкин.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)