Сурия қуролли мухолифати делегацияси халқаро учрашувда иштирок этиш учун Остонага етиб келди. Бу ҳақда Қозоғистон ТИВ матбуот хизмати раҳбари Анвар Жайнаков маълум қилди, дея хабар беради «ТАСС».
«Музокараларда иштирок этадиган барча делегациялар Остонага етиб келди. Жумладан, Сурия қуролли мухолифати вакиллари ҳам», — таъкидлади Жайнаков.
Қозоғистон пойтахтидаги музокаралар 4—5 июль кунлари бўлиб ўтади. Сурия ҳудудидаги 4 та хавфсизлик ҳудуди параметрларини келишиш учрашувнинг асосий мавзуси эканлиги билдирилмоқда.
Изоҳ (0)