Шимолий Корея 4 июлда тарихда биринчи марта ўзининг қитъалараро баллистик ракетасини синаб кўрди. КХДР давлат телеканалининг хабар беришича, ракета «дунёнинг исталган нуқтасидаги» нишонни йўқ қила олади, деб ёзмоқда Meduza.
«Хвансон-14» ракетасининг учиш баландлиги 2,8 минг километрни ташкил қилди. «Интерфакс»нинг ёзишича, парвоз баландлиги 535 километрни, узоқлиги 510 километрни ташкил қилган.
Аввалроқ Жабубий Корея ва АҚШ томонидан берилган хабарга кўра, КХДР ўрта узоқликка учувчи ракетани учирган. Ракета 930 километр узоқликка учиб, Япон денгизидаги алоҳида иқтисодий зона ҳудудига тушган. Россия Мудофаа вазирлиги ҳам «Хвансон-14»ни ўрта узоқликдаги ракеталар синфига киради, деб ҳисобламоқда.
Жанубий Корея президенти Мун Чже Ин БМТ Хавфсизлик кенгашини Шимолий Корея синовлари муносабати билан шошилинч чоралар кўришга чақирган.
Изоҳ (0)