Франция полицияси 29 июнь, пайшанба куни Париж яқинидаги Кретей шаҳрида автомобилида масжид яқинидаги оломонга бостириб боришга уринган эркакни қўлга олди. Бу ҳақда Le Parisien манбаларига таяниб, «ТАСС» хабар бермоқда.
Воқеа юз берган Вал-де-Марн департаменти префектурасига кўра, йўлтанламасни бошқарган эркак масжид олдида тўпланган диндорлар гуруҳига бостириб боришга уринган, бироқ бино олдига ўрнатилган ҳимоя тўсиғига келиб урилган.
Ҳуқуқбузар кўп ўтмай полиция томонидан уйида қўлга олинди. Масжид яқинида бўлганлардан ҳеч ким жабрланмади.
Ҳужум қилган эркакнинг шахси ва уни бунга ундаган омиллар ҳозирча ошкор этилмади. Нашр унинг терговчиларга «Батаклан ва Елисей майдони учун ўч олмоқчи бўлгани»ни билдирганини таъкидламоқда.
Изоҳ (0)