Ўзбекистон Президенти Шавкат Мирзиёев Фарғона вилоятига ташрифи давомида Марғилон шаҳридаги Эркин Воҳидов номли маданият ва истироҳат боғида вилоятдаги туман ва шаҳарлар марказларини замонавий шаҳарсозлик талаблари асосида ривожлантириш бош режаси билан танишди. Бу ҳақда ЎзА хабар берди.
Шунингдек, Марғилонда туризмни ривожлантириш дастури, тижорат банклари томонидан амалга ошириладиган лойиҳалар тақдимоти ҳам бўлиб ўтди. Дастур доирасида уй-жой қуриш, саноат, қишлоқ хўжалиги ва хизмат кўрсатиш, йўл-транспорт, муҳандислик-коммуникация тизимлари, ижтимоий соҳа инфратузилмасини янада ривожлантириш соҳаларида ўнлаб лойиҳаларни амалга ошириш режалаштирилган.
Давлат раҳбари Марғилон ҳунармандлар марказини ташкил этиш, соҳа ходимлари учун қулай солиқ имтиёзлари, зарур шарт-шароитлар яратиш, бошқа лойиҳаларни ҳам янада мукаммаллаштириш, қурилиш ишларини ўз вақтида амалга ошириш бўйича мутасаддиларга тегишли кўрсатмалар берди.
Изоҳ (0)