Фарғона асаларичилик ишлаб чиқариш ўқув марказига ташриф давомида Ўзбекистон Президенти Шавкат Мирзиёев Халқ банки томонидан вилоятда амалга ошириладиган лойиҳалар тақдимоти билан ҳам танишди. Бу ҳақда ЎзА хабар бермоқда.
Фарғона вилояти Қўштепа туманида ташкил қилинадиган 2 минг бош қорамол боқишга мўлжалланган чорвачилик комплекси ва сутни қайта ишлаш лойиҳаси 2018 йилнинг учинчи чорагида тўла қувват билан ишга тушади. 560 гектар майдонда қуриладиган комплексда 180 киши иш билан таъминланади. Йилига 4 минг тоннадан ортиқ сут, 150 тонна гўшт, 6000 тонна сут маҳсулотлари қайта ишланади.
«Ўзбекипаксаноат» уюшмаси томонидан Фарғона вилоятида 2017—2021 йилларда ипакчиликни ривожлантириш стратегияси ишлаб чиқилгани маъқулланди.
Пиллачиликни янада ривожлантириш учун тут плантацияларини ташкил қилиш керак. Соҳага замонавий технологияларни жорий этиш, пиллачиликда аҳолининг доимий иш билан таъминланишига эришиш лозимлиги алоҳида қайд этиб ўтилди.Шавкат Мирзиёев, Ўзбекистон Президенти
Изоҳ (0)