Лондондаги Grenfell Tower’да юз берган ёнғин оқибатида қурбон бўлганлар сони 30 кишига етди. Бу ҳақда Скотленд-ярд вакили Стюарт Кандига таяниб, «ТАСС» хабар берди.
Скотленд-ярд вакилининг хабар беришича, ёнғин оқибатида камида 30 киши қурбон бўлган ва қурбонлар сони яна кўпаяди. Ёнғинда жароҳатланган ва касалхонага ётқизилган бир киши кўрсатилган тиббий ёрдамга қарамасдан, вафот этган.
Кандининг сўзларига кўра, атиги 12 кишининг жасади ўликхонага етказилган, бироқ кўплаб тана қолдиқлари ҳанузгача Grenfell Tower’да ётибди. Пойтахт полицияси бошқа тезкор хизматлар билан бирга жасадларни воқеа жойидан олиб чиқиш учун барча чораларни кўрмоқда.
Шаҳар касалхонасидан берилган сўнгги маълумотларга кўра, у ерда 24 киши даволанмоқда ва улардан 12 нафари айни вақтда реанимацияда.
Изоҳ (0)