Мексикада мерос учун кечган баҳс оиланинг беш нафар аъзосини ўлими билан якун топди. Бу ҳақда Мехико штати полициясига таяниб, «РИА Новости» хабар берди.
Идора ходимларининг маълумотларига кўра, мулкий муносабатларга ойдинлик киритиш воқеаси Экацинго маъмурий ҳудудида содир бўлган. Қариндошлар «далиллар» сифатида ўқотар қурол ва болтадан фойдаланган.
Натижада воқеа жойига етиб келган полиция ходимлари тўрт нафар жасадни ҳамда иккита ёқиб юборилган автомобилга дуч келган. Яна бир одам шифохонада жон таслим қилди, можаронинг бошқа икки нафар иштирокчиси жароҳати сабаб ҳамон шифохонада.
Ҳуқуқ-тартибот ходимлари қотиллик юзасидан жиноят иши очган.
Изоҳ (0)