Остона прокуратураси фирибгарликда айбланаётган аёлни Ўзбекистонга экстрадиция қилди, деб хабар берди Kazakhstan Today нашри.
«2017 йилнинг 31 март куни Остона шаҳри ҳудудида 1967 йилда туғилган, фирибгарлик содир этганлиги бўйича халқаро қидирувда бўлган Ўзбекистон Республикаси фуқароси қўлга олинди. №2 рақамли Олмаота суди, прокурорнинг расмий сўровига биноан аёлга нисбатан экстрадиция ҳибсини қўллади. Қозоғистон Республикаси Бош прокуратураси Минск конвенциясига мувофиқ Ўзбекистон Республикаси Бош прокуратураси томонидан ҳибсдаги фуқаро бўйича юборган талабини қондирди. Айни вақтда аёл Ўзбекистонга жўнатилиши учун Остонага юборилди», — дея аниқлик киритди прокуратура матбуот хизмати.
Изоҳ (0)