130 дан ортиқ британиялик имомлар Лондонда терактни амалга оширган террорчиларга жаноза намозини ўқишдан бош тортди, деб хабар берди «Интерфакс».
«Биз жиноятчиларга жаноза намозини ўқимаймиз ва биродарларимизни ҳамда диний раҳбарларни ҳам бундан бош тортишга чақирамиз. Уларнинг асоссиз ҳаракатлари ислом таълимотига мутлақо зид», — дея ислом арбобларидан бирининг баёнотидан парча келтирди The Guardian.
Улар «совуққон қотилларга нисбатан нафратда» эканликларини маълум қилди.
Ўз навбатида Британия мусулмонлар кенгашининг бош котиби Хорун Хон ислом дини вакиллари мамлакат хавфсизлигини таъминлаш мақсадида ҳукуматга қўлидан келганча ёрдам кўрсатишга тайёр эканликларини билдирди.
4 июнга ўтар кечаси автофургондаги номаълум шахслар Лондон кўпригидаги пиёдаларга урилди, кейин уларга пичоқ билан ҳужум қилди. Кейинроқ Боро бозорида ҳам пичоқ билан ҳужум қилинганлиги қайд этилди. Полициячилар террорчиларни йўқ қилди. Теракт оқибатида 7 киши ҳалок бўлди, 48 киши жароҳат олди. Лондон полицияси теракт иши бўйича 12 кишини ҳибсга олди.ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)