Майк Пенс: Россия, Эрон ва терроризм дунё учун асосий хавф ҳисобланади
Россия, Эрон ва терроризм дунё учун асосий хавф ҳисобланади. Бу ҳақда АҚШ вице-президенти Майк Пенс Шимолий Атлантика кенгаши (Atlantic Council) йиғилишидаги чиқиши давомида маълум қилди, дея хабар беради «Газета.ru».
«Россиянинг халқаро чегараларни қайта кўриб чиқиш, Эроннинг Яқин Шарқни беқарорлаштиришга қаратилган ҳаракатларидан тортиб, исталган ерда ва исталган пайтда зарба бериши мумкин бўлган терроризмнинг глобал хавфигача: коммунизмга барҳам берилгандан кейинги чорак аср давомида дунёда бугунгидек хавфли бўлмаган бўлса керак», — таъкидлади Пенс.
АҚШ вице-президенти Вашингтон НАТО доирасидаги барча иттифоқдошлик мажбуриятларини тўлиқ бажаришга тайёрлиги ва «альянснинг бир аъзосига ҳужум — барчага ҳужум» тамойилига амал қилишини билдирди.
