27 май, шанба куни Тошкентда, Мустақиллик шоҳ кўчасида йўлнинг қарама-қарши қатнов қисмларини ажратувчи металл тўсиқлар олиб ташланди.
Мавзуга доир: Мустақиллик шоҳ кўчаси ўртасидаги ажратувчи тўсиқлар олиб ташланди. Сабабини (ҳозирча) ҳеч ким айтмаяпти
Қобил Ражабов
Металл тўсиқларнинг олиб ташланиши ҳайдовчилар нуқтаи назаридан жуда тўғри қарор! Чунки ҳаракат вақтида тўсиқлар сабабли пиёдалар ўтиш жойидаги йўлни кесиб ўтишни бошлаган пиёда ҳайдовчига кўринмай қолиши ҳолатлари кўп учрайди (транспорт воситаси паст тезликда ҳаракат қилаётганда ҳам). Бу тўсиқлар пиёдани ҳайдовчидан яширади.Элен Гутова
Тўсиқларни бекор олиб ташлашяпти. Ҳамма жойга камера ўрнатилгани, инспекторларнинг «арча» ортига яшириниши, йўллардаги чуқурлар камми? Энди ўзини йўл ҳаракатининг иштирокчиси деб ҳисобламайдиган пиёдалар йўлни диагонал бўйлаб кесиб ўтишни бошлайди. Ҳар доимгидек ҳаммасига ҳайдовчилар айбдор. Энди-энди марказий йўллар бўйлаб ҳаракатланиш хавфсиз бўлган эди — яна ортга қайтиш. Тўсиқлар кимга халақит берди? Нима учун йўллардаги авариялар сонини кўпайтириш керак?Рустам Каримов
Бу тўсиқлар апил-тапил қилинган эди ва йўлни кўришга халал бераётганди. Шунча металлни бошқа фойдалироқ нарсага ишлатган маъқул. Агар ҳамма тўсиқлар олиб ташланадиган бўлса, уларнинг ўрнатилиши учун қилинган харажатларни ҳам қоплаш мумкин. Шундай экан, ҳозирги раҳбарларнинг оқилона фикрлашига тасанно!Элина Сакаева
Кўп солиқ тўлаш оғирлик қилади, бироқ тўсиқларнинг олиб ташланиши, керакли жойларда аввалдан мавжуд бўлган қулай чорраҳалар, қайрилишлар ва йўловчилар ўтиш жойларининг қайта тикланиши сиз ва биз тўлаган солиқларнинг фойдали ва яхши мақсадда ишлатилишидир. Солиқ тўловчи сифатида аввалдан мавжуд бўлган фойдали ва ақлли нарсаларнинг қайтарилишига хайрихоҳман.Музаффарбек Дурдиев
2017 йил — Халқ билан мулоқот йили! Шундай экан, нега биров нима учун тўсиқлар олиб ташланганини ва бундан кейин нима бўлишини айтишни хоҳламайди? Ғалати-ку: янги трамвай сотиб оламиз, кейин эса сотамиз; кўприкни бузамиз, кейин эса қайта қурамиз; қарор қабул қиламиз, кейин унинг бажарилишини ортга сурамиз; тўсиқ ўрнатамиз, кейин эса олиб ташлаймиз. «Етти ўлчаб, бир кес» — бизнинг мансабдорларимиз учун шиор.Артём Василев
Бу даҳшатли тўсиқларни олиб ташлашни тўғри деб ҳисоблайман! Шаҳар одамлар учун, йўллардаги пойгалар учун эмас! Агар тўсиқларни хоҳласангиз, унда ҳар 20 метрга пиёдалар ўтиш жойи қилинсин. Тезликни соатига 50 километргача, мактаблар олдида эса соатига 30 километргача чеклаш керак. Кўчани кесиб ўтиш хавфли, чунки атрофда автомобилни учириб ҳайдашади, айбдор эса пиёда! Аввал тинчгина ҳайдашни ўрганинг, бу сизга ралли эмас! Болакайни уриб юбориб, ўзи айбдор дейсиз ва тинчгина яшашда давом этасизми?! Шундай қила оласизми?Мисол келтираман, Ҳамид Олимжон ёдгорлиги тарафдаги ҳовлида клиника бор, клиникадан қариялар 160 га 100 қон босими билан чиқади, аранг юради. Шундай бир қария Тузел қўрғонига бориши керак, демак, у транспортга ўтириб, уйига етиб олиши, ҳатто такси тўхтатиши учун ҳам бир километр юриб, «Дархон» бизнес маркази олдидаги бекатга бориши керак. Фақат ўзингиз учун ҳаётни яхшилашдан олдин шундай ҳолатдаги қариндошларингизни бир тасаввур қилинг! Ўзи учун ҳамма нарса муҳайё қилинган ва ўзини уринтирмайдиган мансабдорлар қаерга қараяпти?
Изоҳ (0)