Қозоғистон ва Ўзбекистон ўртасидаги поезд қатнови нархи арзонлашади. Бу ҳақда «Йўловчи ташиш» АЖ матбуот хизмати маълум қилди, дея хабар беради Kazakhstan Today.
Фото: Kazakhstan Today
«Йўловчиларнинг эҳтиёжини қондириш мақсадида Қозоғистон ва Ўзбекистон, шунингдек, Ўзбекистон ва Россия ўртасида Қозоғистон орқали тўғридан-тўғри халқаро қатновларга чипталар сотилиши муддатига қараб чегирмалар жорий этилади. Чегирмалар 27 майдан 28 декабрга қадар амалда бўлади», — дейилади матбуот хизмати хабарида.
Чегирмалар миқдори қуйидагича:
Купе ва СВ вагонлар учун: поезд жўнашидан 45 дан 31 суткагача олдин — 45, 30 дан 6 суткагача аввал — 35 фоиз.
Плацкарт вагонларда: поезд жўнашидан 45 дан 31 суткагача олдин —35, 30 дан 6 суткагача аввал — 25 фоиз.
Мазкур чегирмалар Қозоғистон, Ўзбекистон ва Россия ўртасидаги халқаро қатновда амалда бўлади ва бир мамлакат ичидаги ҳаракатланиш, шунингдек, йўловчиларнинг уюшган гуруҳларига тегишли эмас.
