Qozog‘iston va O‘zbekiston o‘rtasidagi poyezd qatnovi narxi arzonlashadi. Bu haqda “Yo‘lovchi tashish” AJ matbuot xizmati ma’lum qildi, deya xabar beradi Kazakhstan Today.
“Yo‘lovchilarning ehtiyojini qondirish maqsadida Qozog‘iston va O‘zbekiston, shuningdek, O‘zbekiston va Rossiya o‘rtasida Qozog‘iston orqali to‘g‘ridan-to‘g‘ri xalqaro qatnovlarga chiptalar sotilishi muddatiga qarab chegirmalar joriy etiladi. Chegirmalar 27-maydan 28-dekabrga qadar amalda bo‘ladi”, — deyiladi matbuot xizmati xabarida.
Chegirmalar miqdori quyidagicha:
Kupe va SV vagonlar uchun: poyezd jo‘nashidan 45 dan 31 sutkagacha oldin — 45, 30 dan 6 sutkagacha avval — 35 foiz.
Platskart vagonlarda: poyezd jo‘nashidan 45 dan 31 sutkagacha oldin —35, 30 dan 6 sutkagacha avval — 25 foiz.
Mazkur chegirmalar Qozog‘iston, O‘zbekiston va Rossiya o‘rtasidagi xalqaro qatnovda amalda bo‘ladi va bir mamlakat ichidagi harakatlanish, shuningdek, yo‘lovchilarning uyushgan guruhlariga tegishli emas.
Izoh (0)