27 апрель куни Афғонистон ва Америка қўшинларининг ҳамкорликда ўтказган операцияси жараёнида ИШИД террорчилик ташкилоти етакчиси Абдул Хасиб йўқ қилинди. Бу ҳақда АҚШ қуролли кучларининг Афғонистондаги қўмондони Жон Николсонга асосланиб Reuters маълум қилди, деб хабар берди «РИА Новости».
«Ҳамкорликда ўтказилган ушбу муваффақиятли операция ИШИДни йўқ қилишдаги навбатдаги ғалабали қадам ҳисобланади», — деди Николсон.
Аввалроқ, Хасибнинг йўқ қилингани ҳақида Афғонистон президенти Ашраф Ғани маълум қилган эди.
Афғонистон ҳукумати Хасиб мамлакатдаги турли террорчилик ҳужумларига алоқаси бор дея ҳисоблайди. Маълум қилишларича, ўнлаб тиббиёт ходимлари ҳалок бўлган Кобулдаги ҳарбий госпиталга ҳужумни ИШИДнинг айнан шу етакчиси ташкиллаштирган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)