Миллиардер Уоррен Баффет IBM акцияларининг учдан бирини сотди ва бу қарорини IT-компания тўқнаш келаётган кучли рақобат билан боғлади. Бу ҳақда 3DNews хабар бермоқда.
«Мен IBMни акцияларни сотиб олишни бошлаган олти йил аввалги ҳолат билан таққосламайман. Ўзимнинг баҳойимни пасайиш томонидан қайта кўриб чиқдим», — таъкидлади Баффет.
Бизнесменга кўра, IBM акциялари қиймати кутилганидан пастроқ бўлди ва компания етарли даражада кучли рақобатчилар билан тўқнашди. Уларнинг қайси компаниялар эканлигига Баффет аниқлик киритмади.
Маълумот учун, Уоррен Баффетга тегишли Berkshire Hathaway инвестиция компанияси IBM акцияларини 2011 йилда харид қилишни бошлади. Маълум бир пайтларда компаниянинг IBM’даги улуши 13 миллиард долларга етди.
Ўтган йил охирида Berkshire Hathaway’да IBM'нинг 81 миллионта акцияси мавжуд бўлган, жорий йилда эса бу улуш 30 миллион донагача қисқарди.
Изоҳ (0)