Муҳаммад ал-Хоразмий номидаги Тошкент ахборот технологиялари университетининг 10 нафар талабаси Huawei компаниясининг Seeds for the Future («Келажак ниҳоллари») дастури бўйича икки ҳафталик ўқув дастурида иштирок этиш учун Хитойга жўнаб кетди. Бу ҳақда ўқув юрти ахборот хизмати хабар бермоқда.
Ўзбекистонлик талабалар мазкур дастур доирасида ахборот-коммуникация технологиялари, мобил интернет алоқаси, киберхавфсизлик, телекоммуникация муҳандислиги йўналишларида дунёда кенг қўлланилаётган янгиликлар ва ишланмалар билан танишиши кўзда тутилган.
Seeds for the Future иштирокчилари Пекин ва Шэньчжэнь шаҳарларида назарий ҳамда амалий машғулотларда қатнашади. Уларнинг Хитой пойтахтида 14 май куни бўлиб ўтадиган «Бир минтақа — бир йўл» халқаро саммитида иштирок этиши ҳам кўзда тутилган.
Изоҳ (0)