Швециядаги Лунд университети мутахассислари сониясига 5 триллион кадр олиш тезлигига эга фотоаппарат яратди. Бу ҳақда Light: Science and Applications журнали хабар бермоқда.
Тадқиқотчиларга кўра, бу дунёдаги энг тезкор кўрсаткич ҳисобланади. Улар ўз камерасига ёруғлик қоғоз вароғи қалинлигидаги масофадан ўтаётгани акс этган роликни олди. Жараён триллион баробар секинлаштирилган, чунки аслида бу пикосонияда, яъни сониянинг триллиондан бир улушида содир бўлади.
Камерани физика, кимё, биология ва биотиббиётда давомийлиги сониянинг 0,2 триллион улушига тенг реакцияларни тасвирга олиш учун қўллаш мўлжалланмоқда.
Изоҳ (0)