АҚШда номаълум жиноятчи 15 сонияда 3 миллион доллар турадиган картинанинг бошига етди (видео)

Номаълум жиноятчи Кристофер Вулнинг салкам 3 миллион доллар турадиган «Номсиз 2004» картинасига зарар етказди. Ҳодисани Аспендаги (Колорадо штати) Опера галереяси видеокузатиш камералари ёзиб олган, деб хабар беради «РИА Новости».

Қора кўзойнак ва кепкадаги эркак картинага яқинлашди ва икки бор унга пичоқ урди. Шундан сўнг орқасига ўгирилиб, галереяни тарк этди.

У бинода жами 15 сония атрофида бўлди. Эркакни тутиш, ҳатто шахсини аниқлашга ҳам муваффақ бўлинмади.

Галерея эгаси Грегори Лахмига кўра, картина кўргазмалар залидаги жойида қолган бўлса-да, деярли тиклаб бўлмас ҳолатга келган. Унинг ёрдамчиси жиноятчи Пабло Пикассо ва Марк Шагал асарларига парво қилмай, айнан Вулнинг мазкур полотноси томон борганини қайд этди.

https://youtu.be/25rybwl6KUc