Ижтимоий тармоқларнинг аксарият фойдаланувчилари Саудия Арабистони телевидениеси подшоҳ Салмон бин Салмон ибн Абдулазиз ас-Сауд билан учрашган Германия канцлери Ангела Меркелнинг рўмол билан ўралмаган бошини беркитиб қўйгани ҳақидаги ёлғон суратга ишонди, деб ёзади «Inews.co.uk».
Меркелнинг ташрифидан бир неча кун ўтгач, канцлернинг сочи пикселлар билан яширилган суратини тармоққа жойлаштирган профил муаллифи сурат остида: «Шунчаки эрмак учун», — деб қайд қолдирган.
Бироз вақт ўтгач ушбу сурат 70 минг кузатувчиси бор ливанлик сиёсацҳуноснинг Twitter’даги аккаунтида пайдо бўлган. Твит остида ишонувчан фойдаланувчиларнинг: «Агар ҳақиқат бўлмаганида, нақадар кулгули бўларди», қабилидаги изоҳлари ҳам учрайди.
Журналистларнинг таъкидлашича, фойдаланувчилар интернетда вирусли тарзда тарқаб кетган «кадр» телевидение орқали кўрсатилмаганига, сурат Reuters агентлиги томонидан аввалроқ эълон қилинганига эътибор ҳам қаратиб ўтирмаган.