ТАТУ жамоаси Гродно давлат университети махсус дипломи билан тақдирланди

Муҳаммад ал-Хоразмий номидаги Тошкент ахборот технологиялари университетининг икки жамоаси Беларусдаги Гродно давлат университетида бўлиб ўтган дастурлаш бўйича очиқ чемпионатда иштирок этди. Бу ҳақда «Infocom.uz» хабар бермоқда. 

Жами 10 та масаладан иборат мусобақада ТАТУнинг бир жамоаси 5, яна бир жамоаси 4 та масала ишлашга муваффақ бўлди. Улар чемпионатнинг тезкорлик эътироф этилган махсус дипломи билан тақдирланди.

Гродно давлат университети раҳбарияти мусобақадаги иштироки учун ТАТУ жамоаларига миннатдорлик билдириб, Ўзбекистондаги ўқув юрти билан фан-таълим соҳасида ҳамкорликка тайёр эканлигини билдирди.