13—14 май кунлари Сурхондарё вилоятида «Бойсун баҳори» халқаро фолклор фестивали бўлиб ўтади. Бу ҳақда, Туризмни ривожлантириш давлат қўмитасига асосланиб, «Газета.uz» хабар бермоқда.
2001 йилда Бойсун тумани ЮНЕСКО томонидан «Инсониятнинг оғзаки ва номоддий мероси дурдоналари» рўйхатига киритилган эди. 2002 йил май ойида эса бу ерда Ўзбекистон, Тожикистон ва Қирғизистондан ташриф буюрган халқ ижрочилари иштирокида «Бойсун баҳори» биринчи очиқ фолклор фестивали бўлиб ўтган.
Қайта ташкил этилаётган мазкур фестиваль бошқа бир қатор фестиваллар, жумладан, Самарқанддаги «Шарқ тароналари», Бухородаги «Ипак ва зираворлар», Марғилондаги «Атлас байрами», Хоразмдаги «Рақс сеҳри» ва туризм кўргазмалари каби улкан маданий тадбирлар рўйхатига киритилади.
Изоҳ (0)