TATU jamoasi Grodno davlat universiteti maxsus diplomi bilan taqdirlandi

Muhammad al-Xorazmiy nomidagi Toshkent axborot texnologiyalari universitetining ikki jamoasi Belarusdagi Grodno davlat universitetida bo‘lib o‘tgan dasturlash bo‘yicha ochiq chempionatda ishtirok etdi. Bu haqda “Infocom.uz” xabar bermoqda. 

Jami 10 ta masaladan iborat musobaqada TATUning bir jamoasi 5, yana bir jamoasi 4 ta masala ishlashga muvaffaq bo‘ldi. Ular chempionatning tezkorlik e’tirof etilgan maxsus diplomi bilan taqdirlandi.

Grodno davlat universiteti rahbariyati musobaqadagi ishtiroki uchun TATU jamoalariga minnatdorlik bildirib, O‘zbekistondagi o‘quv yurti bilan fan-ta’lim sohasida hamkorlikka tayyor ekanligini bildirdi.