Малайзияда қалбаки Nokia 3310 сотувга чиқди

Жорий йил бошида MWC 2017 кўргазмасида намойиш этилган янгиланган Nokia 3310 кўплаб шов-шувларга сабаб бўлди. Малайзияда аллақачон унинг қалбакисини сотувдан топиш мумкин. Бу ҳақда «4PDA.ru» хабар бермоқда, деб ёзади «Mobinfo.uz».

Клонларнинг биринчи партияси Nokia логотипига эга бўлмаганлиги, бироқ мобил қурилмалар янги Nokia 3310 га жуда ўхшаш эканлиги таъкидланмоқда. Клонларнинг иккинчи тўлқини оригиналга янада кўпроқ ўхшаш бўлиб чиқди. Қурилмалар дисплейида Nokia логотипи ҳам пайдо бўлди.

Бироқ қалбакисини оригиналдан фарқлаш қийин иш эмас. Биринчидан, улар Nokia Series 30 UI’да эмас, аллақандай ўз прошивкасида ишлайди. Иккинчидан, қалбаки қурилманинг экрани анча кичкина.

Эслатиб ўтамиз, янгиланган Nokia 3310 май ойининг ўртасида сотувга чиқади. Унинг қалбакисига дуч келмаслик учун расмий дистрибьюторлар ва ишончли сотувчилардан харид қилиш тавсия этилади.