Тошкентда LG X Power смартфони сотувга чиқди

LG Electronics компанияси Ўзбекистонда сотилаётган телефонлари ассортиментини LG X Power модели билан бойитди, деб хабар берди «Mobinfo.uz».

Янгили смартфоннинг асосий жиҳати — 4100 мА/соат сиғимли аккумуляторга эга эканлигидир. Телефоннинг қалинлиги эса 7,9 миллиметрни ташкил этади. Шунингдек, у тез қувват олиш тизимига ва бошқа мобил қурилмаларни қувватлантириш хусусиятига эга.

LG X Power смартфони 5,3 дюймли ва HD 1280х720 пикселли дисплей билан жиҳозланган, асосий камерасининг ажрата олиши 13 мегапиксел, фронтал камераники эса 5 мегапикселга тенг.

Қурилманинг асоси тўрт ядроли MediaTek MT6735 процессори, 2 гигабайт тезкор ва 128 гигабайтгача кенгая оладиган 16 гигабайтли ички хотирадан (+microSD) иборат. Бундан ташқари смартфонга иккита SIM-карта кетади ва LTE тармоғида ишлайди.

Қурилма Android 6.0.1 Marshmallow операцион тизимида ишлайди.

«Дарё»нинг Telegram’даги расмий канали — @toshqindaryo’га аъзо бўлинг!