IDC тадқиқот компанияси ҳисоботига кўра, Huawei Хитой смартфонлар бозоридаги етакчиликни яна ўз қўлига олди. У ўтган йилнинг охирида биринчиликни бошқа бир Хитой компанияси — Oppo’га бой бериб қўйган эди, деб ёзади «Коммерсантъ».
Huawei ушбу чоракда 20,8 миллион дона смартфон сотиб, савдо ҳажмини ўтган йилнинг бошига нисбатан 25,5 фоизга оширди. Шундай қилиб, компания бозордаги улушнинг 20 фоизини эгалламоқда.
Ундан кейинги поғонадаги Oppo компанияси эса 18,9 миллион мобил қурилма сотган бўлиб, унинг бозордаги улуши деярли ўзгармасдан — 18,2 фоизлигича қолди.
Жаҳон смартфон бозоридаги энг йирик икки ишлаб чиқарувчи — Apple ва Samsung эса жаҳондаги энг катта смартфонлар бозорини қўлдан бой бермоқда.
Apple’нинг Хитойдаги савдо кўрсаткичлари пасаймоқда: бу сафар компания ўтган йилга нисбатан 26,7 фоизга кам қурилма сотди, бозордаги улуши эса 3,5 гача камайди.
Жаҳон бозорида америкалик рақобатчисини ортда қолдирган Samsung’нинг ҳам Хитойдаги аҳволи ҳавас қилгулик эмас — Жанубий Корея компанияси бу сафар савдо кўрсаткичлари бўйича кучли бешликка ҳам кира олмади.
Изоҳ (0)