Техасдаги торнадоларда беш киши ҳалок бўлди

30 апрель куни АҚШнинг Техас штати шимоли-шарқий қисмида уч маротаба торнадо содир бўлди. Бу ҳақда «Mk.ru» хабар бермоқда.

Торнадолар оқибатида беш киши ҳалок бўлди. Штатда истиқомат қилувчи 50 дан зиёд киши турли жароҳатлар билан шифохонага етказилди.

Шу билан бир вақтда, Миссури ва Оклахомада тинмаётган жала ва дарёларнинг тошганлиги муносабати билан фавқулодда вазият жорий қилинди.

Қарийб 100 та турар-жой пункти аҳолиси эвакуация қилинди.