F-35 бешинчи авлод қирувчи самолёти нархи ошишда давом этмоқда, унинг АҚШ ҳарбий-ҳаво кучларига етказилиши эса номаълум муддатга қолдирилмоқда. Бу ҳақда National Interest журнали шарҳловчиси Ден Гразе маълум қилди, дея хабар беради «РИА Новости».
Муаллиф ҳаво кемасининг синов парвозлари харажати сметадан 1,7 миллиард долларга ошиб кетгани ва мазкур рақам якуний эмаслиги қайд этилган АҚШ Ҳисоб палатаси ҳисоботига эътибор қаратган.
«Синовларнинг энг мураккаб қисми ҳали олдинда, келгусида яна носозликлар аниқланиши мумкин. Шу сабабли дастур қиймати ошишда давом этиши эҳтимолдан холи эмас. Америкалик солиқ тўловчилар истиқболли қирувчини анчагача молиялаштиришига тўғри келади», — таъкидлади Ден Гразе.
Шарҳловчига кўра, учувчилар ҳозирда якуний версияси 2016 йил ноябридагина тақдим этилган самолётнинг дастурий таъминотини текшириш билан шуғулланмоқда. Бироқ синовлар белгиланган жадвалдан сезиларли даражада ортда қолмоқда.
Изоҳ (0)