Туркманистонда вилоят ҳокимлари Гурбангули Бердимуҳамедовга Ахалтекин отларини тақдим этди

Туркманистон президенти Гурбангули Бердимуҳамедов туркман оти байрамига бағишланган тантаналарда иштирок этди. Бу ҳақда «Туркменистан сегодня» хабар бермоқда.

Давлат раҳбарига Туркманистон отларига бераётган эътибори, уларнинг довруғини дунё ёйиш йўлидаги хизматлари учун мамлакат вилоятлари, ҳарбий ва ҳуқуқ-тартибот идоралари ҳамда йилқичилар номидан Ахалтекин отлари топширилди.

Шундан сўнг Гурбангули Бердимуҳамедов устоз чавандозлар гуруҳида 1200 метр масофага от пойгасида иштирок этди. Мусобақада 1 дақиқа ва 25 сония натижа кўрсатган Туркманистон президентининг қўли баланд келди.