Texasdagi tornadolarda besh kishi halok bo‘ldi

30-aprel kuni AQShning Texas shtati shimoli-sharqiy qismida uch marotaba tornado sodir bo‘ldi. Bu haqda “Mk.ru” xabar bermoqda.

Tornadolar oqibatida besh kishi halok bo‘ldi. Shtatda istiqomat qiluvchi 50 dan ziyod kishi turli jarohatlar bilan shifoxonaga yetkazildi.

Shu bilan bir vaqtda, Missuri va Oklaxomada tinmayotgan jala va daryolarning toshganligi munosabati bilan favqulodda vaziyat joriy qilindi.

Qariyb 100 ta turar-joy punkti aholisi evakuatsiya qilindi.