АҚШда Chevrolet Bolt электромобиллари 5 ойда 7 миллион километр йўл босди

Жорий йил апрель ойи боши ҳолатига Chevrolet Bolt электромобили эгалари жами 7 355 185 километр йўл босди. Бу ҳақда «Мотор» хабар бермоқда.

Модель АҚШ бозорида ўтган йил декабрида пайдо бўлди. Ўшандан бери автомобилни салкам 3,5 минг киши харид қилди. 

Ҳозирда Bolt фақат бир неча штатлар— Калифорния, Мэриленд, Нью-Жерси, Массачусетс, Нью-Йорк, Орегон, Виржиния ва Вашингтондагина сотилмоқда. АҚШнинг барча ҳудудида автомобиль шу йил ёзида пайдо бўлади. 

АҚШда Bolt 2016 йилнинг энг яхши автомобили деб топилди. Унинг нархи 36,6 минг доллардан бошланади. «Дарё»нинг Telegram’даги расмий канали — @toshqindaryo’га аъзо бўлинг!